01.04.2025
(янгиланди 01.04.2025)
EVOS raqamlarda: filial ochish qancha turadi va kunlik daromad qanday? (+video maqolaning ichida 🎥)
Rossiyaning "Razborshik" YouTube-kanalida O‘zbekistondagi eng yirik fast-fud tarmog‘i - Evos biznesi haqida rolik namoyish etildi. Bu kompaniya o‘z ishi haqida ochiq ma’lumot bergan kamdan-kam holat hisoblanib, video haqiqatan ham raqamlarga boy bo‘lib chiqdi.
Asosiy moliyaviy jihatlar:
- 300 kvadrat metr maydonga ega Evos restoranini ochish (Oloy bozoridek hududda) taxminan 400 000 dollar turadi. Kompaniyaning o‘rtacha kunlik daromadi 8,500 dollarni tashkil etadi.
- Faqatgina yetkazib berish va olib ketishga mo‘ljallangan Evos formati (masalan, Janubiydagi Vega) taxminan 120 000 dollar sarmoya talab qiladi va uning kunlik daromadi 2500 dollarni tashkil etadi.
- Yetkazib berishning o‘zi tarmoq barcha daromadining 40 foizini olib kelmoqda.
- Butun tarmoq bo‘ylab o‘rtacha chek - 6 dollarga teng.
- Evos kompaniyasi kuniga 8-9 tonna go‘sht mahsulotlari ishlab chiqaradi.
Rolikda nafaqat raqamlar, balki ofis, ishlab chiqarish va minglab mijozlar uchun taomlar tayyorlanadigan oshxona ham ko‘rsatilgan.
Tomosha qilishga arziydigan batafsil va qiziqarli video bo‘ldi!
