Universalbank O‘zbekistonda ustav kapitalini 500 mlrd so‘mga yetkazdi
O‘zbekistonda Universalbank qonunchilik talablarini bajargan va bozorda mavqeini mustahkamlagan holda qo‘shimcha aksiyalar emissiyasi hisobiga o‘z ustav kapitalini 500 mlrd so‘mgacha muvaffaqiyatli ravishda oshirdi.
Universalbank aksiyadorlik tijorat banki ustav kapitalini 300 milliard so‘mdan 500 milliard so‘mgacha oshirdi. Bu bankka 2025-yil 1-yanvardan kuchga kiradigan yangi qonunchilik talablariga muvofiq bo‘lish imkonini berdi. Bank rahbariyatining qayd etishiga ko‘ra, bu qadam Universalbankning moliyaviy barqarorligini mustahkamlash va ko‘rsatilayotgan xizmatlar doirasini kengaytirishga bo‘lgan intilishini yaqqol namoyon etadi. Yangi me’yorning joriy etilishi O‘zbekistonda bankning yanada rivojlanishi uchun muhim qadam hisoblanadi.
Ustav kapitalining ko‘paytirilishi bank oldida yirik korporativ mijozlarni jalb etish va muhim investitsiya loyihalarida ishtirok etish uchun yangi imkoniyatlar ochadi. Yangi me’yorlarga rioya qilish nafaqat majburiy, balki mijozlar va hamkorlarning ishonchini ham mustahkamlaydi. Qonunda ustav kapitaliga qo‘yiladigan minimal talablarga rioya etmaydigan banklarning litsenziyasini to‘xtatib qo‘yish kabi jiddiy choralar nazarda tutilgan.
Universalbank qonun hujjatlari talablarini oldindan bajargan holda o‘zining yuqori korporativ boshqaruv standartlariga sodiqligini namoyon etdi. Bu esa bankning ishonchli va barqaror hamkor sifatidagi mavqeyini yanada mustahkamlaydi.
