Qanday qilib keraksiz narsalar sotib olishni to‘xtatish mumkin. Marketologlarning har bir kishi bilishi lozim bo‘lgan 5 ta hiylasi

Marketologlar e’tiborni jalb qilish maqsadida  tovarlarni tokchalarga qanday joylashtiradilar?

Marketologlar xaridorlar e’tiborini maksimal darajada qaratish uchun tovarlarni tokchalarga puxta o‘ylab ko‘rib joylashtiradilar. Birinchi navbatda zarur bo‘lgan oziq-ovqatlar, odatda, ko‘z tushadigan  va ularni olish oson bo‘lishi uchun qulay joylarga qo‘yiladi. Shuningdek, tovarlar ularning bir-birini to‘ldirishini hisobga olgan holda ham joylashtirilishi mumkin: masalan, makaron va souslar yonma-yon joylashtiriladi Bu qulaylik hissini yaratadi va ba’zan ortiqcha xarid qilishga undaydi.

Tanqislik samarasi nima va u xaridorga qanday ta’sir qiladi?

Cheklangan yoki omborda oz miqdorda bo‘lgan tovarlarni ko‘rganimizda tanqislik ta’siri ong ostida bo‘ladi. Biz bu tovarlarni yanada qadrliroq qabul qilishni boshlaymiz hamda ularni sotib olish imkoniyatini qo‘ldan boy berishdan qo‘rqamiz. Aslida esa bunday ta’sir sun’iy ravishda yaratilishi mumkin, bu bizni tezroq va ko‘proq sotib olishga undaydi.

Qanday qilib do‘konlar narxlarni afsonaviy chegirmalar orqali boshqaradi?

Ko‘pincha do‘konlar aksiya va chegirmalar e’lon qiladi, bu  aslida dastlabki oshirilgan narxdan foydalanish hisoblanadi. Mahsulot vaqtinchalik "chegirma" deb belgilangan narxda taklif etiladi, shu bilan birga narx tovarning normal qiymatiga teng yoki hatto undan yuqori bo‘lishi mumkin. Xaridorni "foydali" taklifni qo‘ldan boy bermaslik uchun chalg‘itishadi.

Nima sababdan narxko‘rsatkichlar ko‘pincha 9 raqami bilan tugaydi?

"9" yoki "99" bilan tugaydigan narxko‘rsatkich - bu bizni ongsiz ravishda narxni pastroq deb qabul qilishga majburlaydigan mashhur usul. Masalan, 29 999 so‘mlik narx 30 000 so‘m narxga qaraganda o‘ziga tortadigandek tuyulsa-da, farq unchalik ham katta emas. Bu xaridorlarni xariq qilish to‘g‘risida qaror qabul qilishga ruhiy rag‘batlantiradi xolos.

Reklama aksiyalaridagi "hamma uchun ham foydali bo‘lmagan foiz" nimani anglatadi?

 Brendlar o‘zlarining reklama kampaniyalarida kreditlar yoki muddatli to‘lovlarning past foiz stavkalaridan foydalanishni yoqtirishadi, ammo aslida bunday shartlar barcha xaridorlar uchun ham mavjud bo‘lavermaydi. Odatda, alohida shartlarga ega bo‘lgan mijozlarning kichik bir qismi reklama qilinayotgan foydalardan foydalanishlari mumkin. Aslida ko‘pchilikka  qulayligi kamroq bo‘lgan shartlarni taklif qilishadi, lekin ular buni mahsulotga qiziqqanlaridan keyingina taklif qilishadi.