Paynet va Asaka bank foydali hamkorlikni yo‘lga qo‘ydi: mijozlar uchun yangi imkoniyatlar. Ular qanday bo‘ladi?
Endilikda Asaka Bank мijozlari Paynet tarmog‘i orqali kartalarini tezroq to‘ldirishlari, kreditlarini qoplashlari va pullarini Mastercardga o‘tkazishlari mumkin.
Mijozlar uchun nimalar o‘zgarmoqda?
Strategik hamkorlik tufayli yangi imkoniyatlar paydo bo‘ldi:
✅ Paynet mobil ilovasi, infokiosklar va agentlik tarmog‘i orqali Asaka Bankning Mastercard kartalarini to‘ldirish.
✅ Asaka Bank kreditlarini yopish endi Paynet terminallarida mavjud.
✅Paynet xizmatlarini to‘lash butun mamlakat bo‘ylab Asaka Bankning 100 ta bankomatida amalga oshiriladi.
✅ Asaka Bankning Mastercard kartalari o‘rtasidagi P2P o‘tkazmalari - Moneysend va Paynet tizimi orqali ishlaydi.
Kelgusida qanday bo‘ladi?
Paynet Asaka Bankning Mastercard xalqaro kartalarini rasmiylashtirish uchun kartomatlarni ishga tushirishni rejalashtirmoqda. Shuningdek, tez orada Paynet mobil ilovasida Asaka Travel xizmatlari va avtokreditlar paydo bo‘ladi.
Ikki kompaniyaning hamkorligi yangi raqamli yechimlarni ishlab chiqish, tajriba almashish va mijozlar tajribasini yaxshilashda marketing tadqiqotlarini o‘z ichiga oladi.
Muzaffar Kamilov, Paynet bosh direktori o‘rinbosari:
"Asaka Bank bilan hamkorligimiz foydalanuvchilar uchun qulay va xavfsiz moliyaviy ekotizimni yaratishga qaratilgan".
Mazkur hamkorlik nafaqat bank xizmatlaridan foydalanishni kengaytiradi, balki O‘zbekistondagi fintex sektori rivojlanishiga zamin yaratadi.
