O‘zbekistonga qancha valyuta olib kirish va olib chiqish mumkin?

O‘zbekistonga qancha naqd pul olib kirish mumkin

O‘zbekiston qonunchiligi mamlakat fuqarolari va chet elliklarga naqd pullarni cheklovlarsiz olib kirishga ruxsat beradi, ammo bunda bojxona qoidalariga rioya qilish zarur. 70 million so‘mgacha bo‘lgan mablag‘ni hujjatlarni to‘ldirmasdan turib, og‘zaki deklaratsiya qilishingiz mumkin. Agar summa 70 million so‘mdan oshsa, yozma bojxona deklaratsiyasini to‘ldirish kerak bo‘ladi.

Pulingizni kartangizga o‘tkazishingiz va deklaratsiyalarni to‘ldirish hamda naqd pul tashish qoidalariga rioya qilish uchun vaqt sarflamasligingiz mumkin

Mazkur jarayon nisbatan oddiy va bojxona xodimlari hujjatlarni ko‘rib chiqishda yordam beradi, ammo uni to‘g‘ri to‘ldirilishini ta’minlash sizning zimmangizda qoladi. Masalan, agar siz 110 million so‘m olib ketayotgan bo‘lsangiz, butun summani deklaratsiya qilishingiz kerak. Buni qilmagan taqdiringizda pullar olib qo‘yilishi va siz javobgarlikka tortilishingiz mumkin.

O‘zbekistondan qancha naqd pul mablag‘ini olib chiqish mumkin

O‘zbekistondan pul olib chiqish ham limitlarga e’tibor qaratishni talab qiladi. 70 million so‘mdan yuqori bo‘lgan barcha summalar deklaratsiyalanishi lozim, lekin siz 100 mln so‘mgacha olib chiqib ketishingiz mumkin. Masalan, sizning 80 mln so‘m pulingiz bo‘lsa, uni parvozdan oldin deklaratsiya qilishingiz kerak bo‘ladi. Shunga o‘xshash vaziyatda siz va sherigingiz 40 mln so‘mdan mablag‘ga ega bo‘lsangiz, hech qanday deklaratsiya talab qilinmaydi.

100 mln so‘mdan ortiq summani olish chiqish uchun qat’iy qoidalar o‘rnatilgan. Bunday imkoniyatlar rasmiy xizmat safarlaridagi hukumat a’zosi bo‘lgan rezidentlarga taqdim etiladi. Chet elliklar 100 million so‘mdan ortiq qolgan mablag‘ni ushbu pullarni olib kirgan asl deklaratsiyaga ega bo‘lgan taqdirdagina olib chiqishlari mumkin. Biroq rezidentlar naqd pul 100 mln so‘mdan ortiq bo‘lsa, qolgan summani olib chiqish uchun bunday deklaratsiyadan foydalanishlari mumkin emas. Ushbu hujjat u kimning nomiga rasmiylashtirilgan bo‘lsa, o‘sha shaxs tomonidan faqat bir marta qo‘llaniladi.

Kimlarga naqd pul olib kirish va olib chiqish taqiqlangan?

Yuridik shaxslar naqd pullarni olib kirish yoki olib chiqish huquqiga ega emas, banklar bundan mustasno. Jismoniy shaxslar uchun bu belgilangan limitlar va deklaratsiyalash tartib-taomillari bilan cheklangan.

O‘zbekistonga pul olib kirish va olib chiqish haqida qisqacha

• Har qanday summani istalgan valyutada olib kirishingiz mumkin, ammo 70 mln so‘mdan oshgan summalar deklaratsiyani talab qiladi.
• Rezidentlar tomonidan 100 mln so‘m miqdoridan kelib chiqib, ixtiyoriy yoki majburiy deklaratsiya qilish imkoniyati cheklangan.
• Chet elliklar deklaratsiya bilan katta miqdordagi mablag‘larni olib kirishlari va xuddi shu deklaratsiya bo‘yicha qolgan 100 million so‘mdan ortiq mablag‘ni olib chiqib ketishlari mumkin.
• Biznesmenlar kompaniya manfaatlarini ko‘zlab naqd pul mablag‘larini olib kirish yoki olib chiqishdan tiyilishlari lozim, banklar uchun nazarda tutilgan hollar bundan mustasno.

Eng yaxshi valyuta ayirboshlash kursini har kuni Pulbek.uz saytida  O‘zbekistondagi valyuta  kurslari sahifasida ko‘rish qulay→