O‘zbekistonda kommunal xizmatlarni qanday to‘lash mumkin: to‘liq qo‘llanma

📌 Kommunal xizmatlar uchun to‘lovlarning asosiy usullari

O‘zbekiston hududida to‘lovning bir nechta usullari mavjud:

• Bank kassalari orqali (masalan, Asia Alliance Bank, Tenge Bank, Trustbank va boshqalar);
• bankomatlar yordamida;
• O‘z-o‘ziga xizmat ko‘rsatish terminallari orqali;
• ommabop to‘lov tizimlari va ularning mobil ilovalaridan foydalangan holda;
• Banklarning mobil ilovalari orqali (ularga havolalarni banklarning veb-saytlarida topish mumkin).

🏠 Qanday qilib kommunal xizmatlar uchun qulay va navbatsiz onlayn to‘lovni amalga oshirish mumkin 

Elektr, gaz, suv va boshqa xizmatlar uchun to‘lovlarni uydan chiqmasdan amalga oshirishni ko‘rib chiqamiz. Buning uchun O‘zbekistonda eng ommabop bo‘lgan Payme va CLICK kabi platformalar mos keladi.

✅ Payme orqali kommunal xizmatlar uchun to‘lovlar

Xizmatlarni Payme orqali to‘lash uchun quyidagi amallarni bajaring:

1. Payme.uz saytiga o‘ting yoki mobil ilovani oching;
2. "To‘lov" bo‘limiga kiring;
3. "Kommunal xizmatlar" toifasida kerakli yetkazib beruvchini tanlang;
4. So‘ralayotgan ma’lumotni kiriting (shaxsiy hisob raqami va boshqalar).

💡 Maslahat: Payme ilovasida qulay "Mening uyim" bo‘limi mavjud. Agar barcha shaxsiy hisoblaringizni oldindan saqlab qo‘ysangiz, takroriy to‘lovlarni har safar ma’lumotlarni kiritmasdan turib, bir necha marta bosish orqali amalga oshirish mumkin.

✅ Kommunal xizmatlar uchun to‘lovlarni CLICK orqali amalga oshirish

CLICK tizimi to‘lovni amalga oshirishning bir nechta usullarini taklif etadi - aynan sizga qulay bo‘lganini tanlang:

📱 1-usul: CLICK Super App ilovasi orqali

1. Ilovani App Store yoki Google Play orqali yuklab oling;
2. O‘rnating va ro‘yxatdan o‘ting;
3. “To‘lov” bo‘limiga kiring;
4. “Kommunal to‘lovlar” bandini tanlang;
5. Xizmat ko‘rsatuvchi ta'minotchingizni toping;
6. Kerakli ma’lumotlar va summani kiriting.

📝 Paymeda bo‘lgani kabi, bu yerda ham shaxsiy hisoblarni saqlash va kelajakda tezkor to‘lovlarni amalga oshirish uchun "Mening uyim" funksiyasi mavjud.

💻 2-usul: CLICK — my.click.uz veb sayti orqali

1. Saytga o‘ting va "Shaxsiy kabinetga kirish" tugmasini bosing (yuqori o‘ng burchakdagi);
2. Ro‘yxatdan o‘ting va avtorizatsiya qiling;
3. "Xizmatlar uchun to‘lov" bo‘limiga o‘ting;
4. "Kommunal xizmatlar" va ta’minotchingizni tanlang;
5. Ma’lumotlarni kiriting va to‘lovni tasdiqlang.

📌 Shuningdek, "Mening uyim" bo‘limi ham mavjud - tezroq va qulayroq to‘lash uchun hisoblaringizni saqlab qo‘ying.

🤖 3-usul: CLICK telegram boti orqali

1. @clickuz telegram botini  oching ;
2. Uni ishga tushiring, "Start"ni tanlang va ro‘yxatdan o‘ting;
3. "To‘lov" → "Kommunal to‘lovlar" bo‘limiga o‘ting;
4. Ta’minotchini tanlang, ma’lumotlarni kiriting va to‘lang.

📲 "Mening uyim" opsiyasi shuningdek telegram-botda ham  mavjud.

📞 4-usil: USSD -buyruq orqali (agar Internetga kirish imkoni bo‘lmasa)

"SMS-xabar berish" xizmati ulangan foydalanuvchilar uchun:

1. Telefoningizda *880# buyrug‘ini tering va chaqiruvni bosing;
2. "To‘lov" bandini tanlang (odatda 1-band);
3. "Kommunal to‘lovlar" - 5 raqamini kiriting;
4. Oluvchining ma’lumotlarini ko‘rsating;
5. Summani kiriting va CLICK-PIN yordamida operatsiyani tasdiqlang.

⏰ Kommunal to‘lovni qaysi sanagacha to‘lash kerak?

Odatda, kommunal xizmatlar uchun to‘lovni keyingi oyning 10-sanasiga qadar amalga oshirish kerak. Xizmat ko‘rsatishda jarima yoki cheklovlar qo‘yilishining oldini olish uchun buni o‘z vaqtida bajarishni unutmang.