O‘zbekiston banklari saytlarining 2025-yil fevral oyi uchun SEO reytingi
Wunder Digital innovatsion raqamli xabi O‘zbekiston banklari saytlarining SEO samaradorligi bo‘yicha yangi tadqiqot natijalarini taqdim etdi. 2024-yil sentyabr oyidan beri reytingda qanday asosiy o‘zgarishlar ro‘y berdi? Kimlar o‘z mavqeini mustahkamladi va kimlar kuchli o‘nlikdan chiqib ketdi? Barcha tafsilotlar haqida ma'lumot beramiz.
Tadqiqot metodologiyasi
Tahlilchilar SEO samaradorligini baholashda quyidagilarni o‘z ichiga olgan keng qamrovli yondashuvdan foydalanishdi:
- O‘zbekistonlik foydalanuvchilarning bank xizmatlari bilan bog‘liq asosiy so‘rovlari asosida semantik yadroni to‘plash.
- So‘rovlar chastotasini baholash.
- So‘rovlarni mavzuli guruhlar bo‘yicha klasterlash.
- Qidiruv natijasidagi saytlar o‘rnini tahlil qilish.
- Qidiruv tizimlarida so‘rovlar chastotasi va pozitsiyalari asosida saytlarning ko‘rinishini hisoblash.
29 ta bankning veb-saytlari tahlili asosida SEO samaradorligining yakuniy reytingi tuzildi.
Top 10 talik: umumiy ko‘rinish
Ipak Yo‘li Banki 67,36% ko‘rinish ko‘rsatkichi bilan ishonchli yetakchilikni saqlab qolmoqda, bu 2024-yil sentyabr oyidagi natijalardan 10% cha yuqori. Ikkinchi o‘rinni "O‘zsanoatqurilishbank" (49,42 foiz), uchinchi o‘rinni "O‘zmilliybank" (33,95 foiz) egalladi. Tenge Bank (30,29%) sakkizinchi o‘rindan birdaniga to‘rtinchi o‘ringa ko‘tarilib, umumiy ko‘rinishni deyarli 12 foizga oshirdi. Top-10 talikning yangi ishtirokchisi Ziraat Bank (14,29%) bo‘ldi.
Barcha banklar bo‘yicha ma'lumotlarni jadvaldan topish mumkin.
Top 10 talik: Googleda ko‘rinish
Ipak Yo‘li Bank katta farq bilan (70,02 foiz) birinchi o‘rinni egallab turibdi, ikkinchi o‘rinni "O‘zsanoatqurilishbank" (50,73 foiz) saqlab qoldi. Uchinchi o‘ringa "O‘zmilliybank" ko‘tarildi (35,63%). To‘rtinchi o‘rinda avval yettinchi o‘rinni egallagan Tenge Bank (30,84 foiz). Sentabr oyida uchinchi o‘rinda bo‘lgan "Turonbank" top-10dan tushib ketdi.
Barcha banklar bo‘yicha ma'lumotlarni jadvaldan topish mumkin.
Top-10 talik: Yandexdagi ko‘rinish
Yandex’da ko‘rinish bo‘yicha yetakchi Hamkorbank (53,24%) bo‘ldi, u ilgari uchinchi o‘rinda edi. Ipak Yo‘li Bank ikkinchi o‘rinni saqlab qoldi (43,41 foiz), "O‘zsanoatqurilishbank" (37,61 foiz) to‘rtinchi o‘rindan uchinchi o‘ringa ko‘tarildi. Sakkizinchi o‘rindan to‘rtinchi o‘ringa Tenge Bank (25,3%) o‘tdi. Top-10 talikka ANORBANK (19,12%) va TBC BANK (20,6%) kirdi.
Barcha banklar bo‘yicha ma'lumotlarni jadvaldan topish mumkin.
Asosiy xulosalar
- Umumiy ko‘rinish bo‘yicha reytingning eng yaxshi 3 taligi 2024-yil sentyabr oyidan buyon o‘zgarmagan - bu Ipak Yo‘li Banki, "O‘zsanoatqurilishbank" va "O‘zmilliybank"dir.
- Ipak Yuli Banki bir vaqtning o‘zida ikki toifada - umumiy ko‘rinish va Googledagi ko‘rinish bo‘yicha yetakchilik qilmoqda.
- Yandexdagi ko‘rinish reytingida yetakchilik qilayotgan Hamkorbank boshqa toifalarda faqat oltinchi o‘rinni egallab turibdi.
- 29 ta bankdan 11 tasining veb-saytlari 1% dan kam ko‘rinishga ega, bu esa qidiruv natijalarida zaif pozitsiyalarni ko‘rsatadi.
Wunder Digital innovatsion raqamli xab mutaxassislari top-10 talikga kirmagan banklarga veb-saytlarni keng qamrovli SEO-optimizatsiya qilishni, strategiyani qayta ko‘rib chiqishni va ko‘rinishni oshirish hamda yangi mijozlarni jalb etish uchun qidiruv tizimlari bilan ishlashni kuchaytirishni tavsiya qiladi.
