Bo‘lajak millioner mahalladan boshlanadi: Milliy bank bolalarga pul bilan muomala qilishni bepul o‘rgatmoqda. B
O‘zbekiston Milliy banki matbuot markazining xabar berishicha, bank Markaziy bankning "Moliyaviy savodxon mahalla" ta’lim loyihasiga qo‘shildi.
Tashabbus bolalar va o‘smirlarda shaxsiy moliyani boshqarishning asosiy ko‘nikmalarini rivojlantirishga qaratilgan.
5-apreldan boshlab Toshkent shahridagi 100 dan ortiq mahalla kutubxonalarida quyidagi mavzularda interaktiv mahorat darslari o‘tkaziladi:
- Moliyaviy savodxonlik asoslari
- Investitsiyalar va jamg‘armalar
- Shaxsiy byudjetni rejalashtirish
Mashg‘ulotlarni Milliy bank mutaxassislari olib boradi. Ishtirok etish mutlaqo bepul, ta’lim shakli esa moliyaviy tushunchalar tushunarli va qiziqarli bo‘lishi uchun o‘smirlar auditoriyasiga moslashtirilgan.
Loyiha yoshlarda foydali moliyaviy ko‘nikmalarni shakllantirish va erta yoshdan shaxsiy mablag‘lar haqida xabardorlik darajasini oshirishga qaratilgan.
Manzillarni BU YERDA ko‘rish mumkin.
