Alisher Usmanov ilk bor Forbes milliarderlari reytingiga O‘zbekiston vakili sifatida kirdi
Amerikaning Forbes jurnalining ma’lum qilishicha, tadbirkor Alisher Usmanov 2025-yilda birinchi marta yillik milliarderlar ro‘yxatida avvalgidek Rossiya vakili sifatida emas, balki O‘zbekiston vakili sifatida qayd etilgan.
Forbes tomonidan e’lon qilingan dunyoning 39-eng boy odamlari reytingi yakunlariga ko‘ra, Usmonov 144-o‘rindan 125-o‘ringa ko‘tarildi. Uning boyligi bir yil ichida 3,3 milliard dollarga oshdi va endi 16,7 milliard dollarga baholanmoqda.
2025-yilda ro‘yxat yetakchisi amerikalik tadbirkor Ilon Mask bo‘ldi, u 2022-yildan beri birinchi marta birinchi o‘rinni egalladi. Tesla va SpaceX kompaniyalari asoschisining boyligi 342 milliard dollarga baholanmoqda.
📝 Alisher Usmanov - o‘zbek-rossiyalik tadbirkor va milliarder. 1953-yilda O‘zbekistonning Chust shahrida tug‘ilgan. U metallurgiya, telekommunikatsiya va investitsiya sohalarida boylik orttirgan. U USM Holdings asoschisi va asosiy egasi bo‘lib, uning tarkibiga tog‘-kon sanoati (jumladan, Metalloinvest), IT va telekommunikatsiya sohasidagi yirik aktivlar kiradi (ilgari MegaFondagi ulush). Shuningdek, u postsovet hududidagi eng yirik homiy va metsenat sifatida ham tanilgan.
