2025-yil 1-apreldan boshlab O‘zbekiston qonunchiligida nimalar o‘zgaradi?

Soliq sohasidagi o‘zgarishlar

• Endilikda soliqchilar tomonidan soliqqa oid huquqbuzarliklar aniqlangan taqdirda, avvalo, ogohlantirish e’lon qilinadi. Agar uch kun ichida qoidabuzarlik bartaraf etilmasa, sayyor tekshiruv tayinlanadi.
• QQSni qaytarishning yangi tartibi joriy etildi: 2028-yilga qadar chorvachilik va parrandachilik xo‘jaliklari to‘langan QQSning 50 foizini qaytarib olishlari mumkin.
• Yangi qishloq xo‘jaligi kooperativlari va ularning xodimlari uchun ijtimoiy soliqlar va JSHDS stavkalari 1 foizgacha pasaytirildi.
• Endi farmatsevtika korxonalari va tibbiyot muassasalari daromadidan qat’i nazar, QQS to‘lashga majbur bo‘ladi.

Ijtimoiy sohadagi o‘zgarishlar

• Toshkent, Andijon va Samarqand shaharlarida ko‘rish va tayanch-harakat tizimida muammosi bo‘lgan bolalar uchun bepul transport xizmatlari ko‘rsatish bo‘yicha tajriba loyihasi ishga tushirildi.
• Mahallalarda yetim va ota-ona qaramog‘idan mahrum bo‘lgan bolalar uchun oilaviy bolalar uylari ochiladi.
• Samarqand va Toshkent shaharlarida kam ta’minlangan oilalar a’zolarini kunduzgi parvarishlash markazlari ish boshlaydi.
• Bir qator hujjatlarning qog‘oz versiyalari (nogironlik to‘g‘risidagi ma’lumotnomalar, talabalik guvohnomalari va boshqalar) elektron versiyalarga almashtiriladi.

Energetika sohasidagi o‘zgarishlar

• Qayta tiklanuvchi manbalardan (quyosh panellari, shamol elektr stansiyalari, biogaz) ishlab chiqarilgan elektr energiyasi uchun "yashil tariflar" joriy etilmoqda.
• Elektr energiyasi tariflarining oshirilishi 1-mayga ko‘chiriladi:

        - 200 kVt/soatgacha - 1 kVt/soat uchun 300 so‘m

        - 201-1000 kVt/soat - 500 so‘m

        - 1001-5000 kVt/soat - 750 so‘m va undan yuqori

• Tabiiy gaz narxi 1 kub metr uchun 1800 so‘mgacha, suyultirilgan gaz narxi esa 1 kg uchun 2000 so‘mgacha oshiriladi.

Boshqa o‘zgarishlar

• Biznesga eksklyuziv huquqlar berish tartibi o‘zgartirildi - endi muddat 3 yildan oshmaydi.
• Tibbiy hujjatlarni o‘z vaqtida topshirgan oilaviy shifokorlarni rag‘batlantirish tizimi joriy etildi.
• TMEKning ayrim funksiyalari bekor qilindi - ular davlat tibbiyot muassasalariga o‘tkazilmoqda.
• DXSH asosida xususiy tadbirkorlarga alohida ta’lim ehtiyojlari bo‘lgan bolalarga kunduzgi parvarish xizmatlarini ko‘rsatishga ruxsat berildi.

Mazkur islohotlar shaffoflikni oshirish, aholini ijtimoiy qo‘llab-quvvatlash va "yashil" iqtisodiyotni rivojlantirishga qaratilgan.

O‘zgarishlarni kuzatib boring va yangi qoidalardan xabardor bo‘ling.