2024-yilda o‘zbek so‘mi dollarga nisbatan qanday o‘zgardi? Kelajakka oid bashoratlar nima demoqda?

2024-yilda o‘zbek so‘mining dollarga nisbatan kursi 552 so‘mga pasaydi va 1 AQSH dollari 12 904 so‘mni tashkil etdi.

Shunday qilib: so‘nggi 3 yildagi devalvatsiya:

• 2024-yilda - yiliga 4,47 foizga
• 2022-yilda ushbu summa 3,94% ga qadrsizlandi
• 2023-yilda - 9,7%ga yetdi.

Mazkur ma’lumotlar so‘nggi bir necha yil davomidagi milliy valyutaning umumiy zaiflashuv tendensiyasini ko‘rsatmoqda.

Kelajakda dollar kursi bo‘yicha qanday prognozlar mavjud?

2025-yilga mo‘ljallangan byudjet parametrlariga ko‘ra, dollarning o‘rtacha kursi 13 250 so‘m darajasida prognoz qilinib, 2026-yilda u 13 725 so‘m va 2027-yilda 14 150 so‘mgacha ko‘tarilishi kutilmoqda. S&P prognoziga ko‘ra, 2027-yil oxiriga borib dollar 15 000 so‘m bo‘lishi mumkin.

Kursga quyidagi omillar ta’sir qiladi:

• iqtisodiy o‘sish sur’atlari
• pulning qadrsizlanishi
• mamlakatning savdo balansi (eksport va import).

Aniq kurslarni bashorat qilish ko‘plab o‘zgaruvchan, o‘zaro bog‘liq omillar tufayli qiyinchilik tug‘diradi.

Tendensiyalar va prognozlar tahlili tashqi savdo va iqtisodiy omillar ta’sirini kuzatgan holda O‘zbekistonning makroiqtisodiy barqarorligi va moliyaviy kelajagini rejalashtirishga yordam beradi.

Ushbu ma’lumotlar o‘z byudjeti yoki investitsiyalarini rejalashtirayotgan tadbirkorlar, iqtisodchilar va fuqarolar uchun muhim bo‘lib, o‘zbek so‘mining tashqi kursi o‘zgarishi tendensiyasining davom etishini aks ettiradi.